Զեկ. ՆԵԼԼԻ ՊԵՏՐՈՍՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով, Խոյ համայնքի ավագանու կանոնակարգի դրույթներով, հաշվի առնելով այն փաստը, որ Խոյ համայնքի ավագանու կողմից գումարված 2024 թվականի առաջին նստաշրջանի նիստերից և քվեարկություններից բացակայելու պատճառների վերաբերյալ Խոյի համայնքապետարանի աշխատակազմի քարտուղարի 2024 թվականի սեպտեմբերի 27-ի ծանուցմամբ ներկայացված ժամկետում Ռոբերտ Հովսեփյանի կողմից ներկայացվել է համապատասխան փաստաթղթեր՝ բացատրագիր 2024 թվականի 1-ին նստաշրջանի գումարված ավագանու նիստերից բացակայության հարցը հարգելի համարելու վերաբերյալ, ՄՎԿ հայկական կարմիր խաչի ընկերության «Գրացիա» միջազգային վերականգնողական կենտրոն ՍՊԸ կողմից 2024 թվականի հոկտեմբերի 1-ի ներկայացված թիվ 192 և թիվ 193 տեղեկանքները, չնայած որ Խոյ համայնքի ավագանու նիստերից բացակայելու պատճառների մասին Ռոբերտ Հովսեփյանը երբևէ չի տեղեկացրել համայնքապետարանի աշխատակազմի քարտուղարին, ինչն արձանագրվել է նաև գումարված նիստերի վերաբերյալ կազմված ավագանու նիստերի արձանագրություններում․

ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է`

1. Հայաստանի Հանրապետության Արմավիրի մարզի Խոյ համայնքի ավագանու կողմից 2024 թվականին գումարած առաջին նստաշրջանի ընթացքում 2024 թվականի փետրվարի 13-ի, ապրիլի 12-ի, մայիսի 17-ի, հունիսի 21-ի, հունիսի 26-ի ավագանու նիստերից ու քվեարկություններից Խոյ համայնքի ավագանու անդամ Ռոբերտ Հովսեփյանի բացակայությունները համարել հարգելի: