Զեկ. ԱՐԳԻՇՏԻ ՄԵԽԱԿՅԱՆ

Ղեկավարվելով  Հայաստանի  Հանրապետության  հողային  օրենսգրքի 7-րդ հոդվածով, <<Տեղական ինքնակառավարման մասին>> Հայաստանի Հանրապետության օրենքի 18-րդ  հոդվածի  առաջին  մասի 42-րդ կետով, հիմք ընդունելով Հովհաննես Գուրգենի Նիկողոսյանի  2024 թվականի օգոստոսի 28-ի դիմումը․ 

ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է՝

1. Հայաստանի Հանրապետության Արմավիրի մարզի Խոյ համայնքի Ծիածան գյուղի վարչական տարածքում գտնվող, Հովհաննես Գուրգենի Նիկողոսյանի սեփականությունը հանդիսացող՝ 04-053-0631-0022 ծածկագրով, նպատակային նշանակությունը՝ գյուղատնտեսական, գործառնական նշանակությունը՝ վարելահող 1,0831հա  հողամասը փոխադրել արդյունաբերության, ընդերքօգտագործման և այլ արտադրական նշանակության, գյուղատնտեսական արտադրական օբյեկտների գործառնական նշանակության հողերի կատեգորիայի՝ ջերմոցներ կառուցելու նպատակով։

2․ Փոփոխման արդյունքում առաջացած հողամասի համար վճար չի սահմանվում։