Հիմք ընդունելով «Տելեկոմ Արմենիա» ԲԲ ընկերության գլխավոր տնօրեն Հայկ Եսայանի՝ ցանցի արդիականացման նպատակով օպտիկամանրաթելային մալուխ անցկացնելու համար համայնքային սեփականություն հանդիսացող հենասյուները օգտագործելու վերաբերյալ 2025 թվականի փետրվարի 27-ի 423/85-1 գրությունը և համայնքի ղեկավարի առաջարկությունը, ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի պահանջներով․
ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է՝
1. Տալ համաձայնություն Խոյ համայնքում «Տելեկոմ Արմենիա» ԲԲ ընկերության ցանցի արդիականացման նպատակով օպտիկամանրաթելային մալուխ անցկացնելու համար համայնքային սեփականություն հանդիսացող թվով 29 հենսայուները/26 հատ Արագած բնակավայրում, 3 հատ Լեռնամերձ բնակավայրում/ անորոշ ժամկետով, ամսական մեկ հենասյան համար 500 / հինգ հարյուր/ ՀՀ դրամ վարձավճարով «Տելեկոմ Արմենիա» ԲԲ ընկերությանը վարձակալության տրամադրելու վերաբերյալ համայնքի ղեկավարի առաջարկությանը։
2․Սույն որոշումն ուժի մեջ է մտնում ընդունման պահից։