Հաշվետվություններ
|
Հանրային քննարկման փուլ
Ներկայացման ամսաթիվ` 18 մարտ 2025
Հաշվետու ժամանակահատված 18 մարտ 2025թ. - 18 մարտ 2025թ.
2025 թվականի մարտի 18-ին՝ ժամը 13։00-ին, ՀՀ Արմավիրի մարզի Խոյ համայնքի Արշալույս բնակավայրի դպրոցում տեղիունեցավ հանրային քննարկում: Օրակարգում՝ Խոյ համայնքում 2025 թվականի մասնակցային բյուջետավորման գործընթացը ներկայացնել և բնակչության հետ քննարկել Խոյ համայնքում 2025 թվականի մասնակցային բյուջետավորման քվեարկությանը դրված առաջարկները, դրանց օգուտներն ու արդյունքները, ինչպես նաև հանրությանը իրազեկել և նախապատրաստել քվեարկության փուլին:
Հանրային քննարկմանը ներկա էին «Արմավիրի զարգացման կենտրոն» ՀԿ-ի աշխատակազմը, Խոյ համայնքի ավագանու անդամները, Խոյի համայնքապետարանի աշխատակազմի ոլորտային ներկայացուցիչները, ինպես նաև մեծ թվով բնակիչներ։ Մուտքի խոսքով հանդես եկավ «Արմավիրի զարգացման կենտրոն» ՀԿ-ի աշխատակից Ազգանուշ Մնացականյանը, ով մանրամասն ներկայացրեց 2025 թվականի մասնակցային բյուջետավորման ողջ գործընթացը, մասնակցային բյուջետավորման մոդելի հիմնական սկզբունքները, Խոյ համայնքում ներկայացված և ընտրված ծրագրային առաջարկները, համայնքապետարանի կայքում գրանցման և քվեարկության գործընթացը։ Այնուհետև խոսքը փոխանցվեց ՀՀ Արմավիրի մարզի Խոյի համայնքապետարանի աշխատակազմիԱրտաքին կապերի, զարգացման ծրագրերի, տուրիզմի, սպասարկման բաժնի պետ Անի Սարգսյանին, ով հորդորեց հնարավորինս ակտիվ լինել քվեարկության ողջ ընթացում և կարևորեց վերջիններիս դերը ծրագրի արդյունավետ իրականացման գործում։ Հիշեցրեց նաև, որ բնակիչները կարող են քվերակել երեք ծրագրային առաջարկի օգտի։
Հանրային քննարկման ընթացքում բնակիչները ողջունեցին ներկայացված առաջարկները և խոստացան, որ մեծ ակտիվությամբ կմասնակցեն քվերակությանը։
Կից փաստաթղթեր
 |
(1.03 Մբ)
|