ՀՀ Արմավիրի մարզի Խոյ համայնքի ղեկավար Լ․ Յայլոյանս, քննության առնելով թիվ 67/25 վարչական վարույթի գործը՝ ՀՀ Արմավիրի մարզի Խոյ համայնքի Գեղակերտ գյուղի Մաշտոցի փողոց, 64 տուն հասցեում գտնվող, Կարինե Վրույրի Ավետիսյանին, Շուշանիկ Ղևոնդի Ավետիսյանին, Գրիգոր Վրույրի Ավետիսյանին և Վրույր Գրիգորի Ավետիսյանին սեփականության իրավունքով պատկանող 04-087-0037-0016 կադաստրային ծածկագրով հողամասի վրա առանց նպատակային նշանակության փոփոխության խանութի շահագործման մասին, պարզեցի, որ․
Կարինե Վրույրի Ավետիսյանին, Շուշանիկ Ղևոնդի Ավետիսյանին, Գրիգոր Վրույրի Ավետիսյանին և Վրույր Գրիգորի Ավետիսյանին սեփականության իրավունքով պատկանող ՀՀ Արմավիրի մարզի Խոյ համայնքի Գեղակերտ գյուղի 04-087-0037-0016 կադաստրային ծածկագրի տակ գտնվող հողամասում առանց նպատակային նշանակության փոփոխության շահագործվում է խանութ, ինչի կապակցությամբ Խոյի համայնքապետարանի վարչական իրավախախտումների վերաբերյալ հանձնաժողովի կողմից 2025 թվականի մայիսի 16-ին կազմված արձանագրության, տեղազննության ակտի, տարածքի լուսանկարների հիման վրա 2025 թվականի մայիսի 16-ին «Վարչարարության հիմունքների և վարչական վարույթի մասին» ՀՀ օրենքի 30-րդ և 34-րդ հոդվածների հիմքով Վարչական իրավախախտումների վերաբերյալ ՀՀ օրենսգրքի 54-րդ հոդվածի 1-ին մասի պահանջների խախտման փաստով հարուցվել է վարչական վարույթ:
Կարինե Վրույրի Ավետիսյանին, Շուշանիկ Ղևոնդի Ավետիսյանին, Գրիգոր Վրույրի Ավետիսյանին և Վրույր Գրիգորի Ավետիսյանին սեփականության իրավունքով պատկանող հողամասում իրականացվել է ՀՀ վարչական իրավախախտումների վերաբերյալ օրենսգրքի 54-րդ հոդվածի 1–ին պարբերությամբ սահմանված խախտում, որն առաջացնում է տուգանքի նշանակում՝ սահմանված նվազագույն աշխատավարձի հարյուրապատիկի չափով։
Վարույթի հարուցման համար հիմք էր հանդիսացել ՀՀ Արմավիրի մարզի Խոյի համայնքապետարանի աշխատակազմի վարչական իրավախախտումների վերաբերյալ հանձնաժողովի կողմից 2025 թվականի մայիսի 16-ին կազմված արձանագրությունը, տեղազննման ակտը, տարածքի լուսանկարները։
Վարչական վարույթ հարուցելու մասին ծանուցագիրը Կարինե Վրույրի Ավետիսյանին և Գրիգոր Վրույրի Ավետիսյանին ուղարկվել էր փոստային առաքմամբ 2025 թվականի մայիսի 16-ին։ Համաձայն «Հայփոստ» ՓԲ ընկերության հետևել բեռնային համարով LO127920846AM առաքանու մանրամասների՝ 2025 թվականի մայիսի 21-ին ծանուցագիրը հանձնված է եղել ստացողին։ Կարինե Վրույրի Ավետիսյանը պատշաճ ծանուցվել է և ներկայացել վարչական վարույթի լսումներին։ Վարույթի մասնակից Կարինե Վրույրի Ավետիսյանը հայտնել է, որ 04-087-0037-0016 կադաստրային ծածկագրի տակ գտնվող հողամասում առանց նպատակային նշանակության փոփոխության շահագործում է խանութ, որի համար անկեղծ զղջում է և խնդրել է իրեն տրամադրել երկամսյա ժամկետ՝ փաստաթղթերի ձևակերպման աշխատանքներով զբաղվելու համար։
Ելնելով վերոգրյալից, ղեկավարվելով «Տեղական ինքնակառավարման մասին» ՀՀ օրենքի 35-րդ հոդվածի 1–ին մասի 24-րդ կետով, «Վարչարարության հիմունքների և վարչական վարույթի մասին» ՀՀ օրենքի 49-րդ հոդվածի 2–րդ մասի «բ» կետի 2-րդ պարբերությամբ, որի համաձայն՝ «Վարչական վարույթը կարող է կասեցվել նաև օրենքով նախատեսված այլ դեպքերում», «Վարչարարության հիմունքների և վարչական վարույթի մասին» ՀՀ օրենքի 46-րդ հոդվածի 1-ին մասի պահանջի կատարումն ապահովելու նպատակով, Խոյ համայնքի ղեկավարի 2025 թվականի հունիսի 4-ի N 568-Ա որոշմամբ Կարինե Վրույրի Ավետիսյանի և Գրիգոր Վրույրի Ավետիսյանի նկատմամբ հարուցված վարչական վարույթը կասեցվել էր։
«Վարչարարության հիմունքների և վարչական վարույթի մասին» ՀՀ օրենքի 49–րդ հոդվածի 3–րդ մասի 2–րդ պարբերությամբ, համաձայն որի՝ «Սույն հոդվածի 1-ին մասի «բ» և «գ» կետերով, ինչպես նաև 2-րդ մասով նախատեսված դեպքերում վարչական վարույթը վերսկսվում է դրա կասեցման հիմք դարձած հանգամանքները վերանալուց հետո, բայց ոչ ուշ, քան կասեցման մասին որոշում ընդունելու օրվանից հետո 60 օրը լրանալը», 2025 թվականի մայիսի 16–ին հարուցված վարչական վարույթը համարել վերսկսված:
Վարչական ակտն ընդունելու համար հիմք հանդիսացող փաստերը.
ՀՀ Արմավիրի մարզի Խոյի համայնքապետարանի աշխատակազմի վարչական իրավախախտումների վերաբերյալ հանձնաժողովի կողմից 2025 թվականի մայիսի 16-ին կազմված արձանագրությունը, տեղազննման ակտը, տարածքի լուսանկարները։
Խոյ համայնքի ղեկավարի 2025 թվականի մայիսի 16-ի վարչական վարույթ հարուցելու մասին N 67 ծանուցագիրը։
Խոյ համայնքի ղեկավարի 2025 թվականի հունիսի 4-ի «Կարինե Վրույրի Ավետիսյանի և Գրիգոր Վրույրի Ավետիսյանի նկատմամբ հարուցված վարչական վարույթը կասեցնելու մասին» N 568-Ա որոշումը և այն փոստային առաքմամբ ուղարկած լինելու փաստը հավաստող LO128199092AM կոդով ստացականը։
«Վարչարարության հիմունքների և վարչական վարույթի մասին» ՀՀ օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները և հիմք ընդունելով վերոհիշյալ փաստերը՝ վարչական մարմինը հաստատված է համարում հետևյալը.
Կարինե Վրույրի Ավետիսյանին, Գրիգոր Վրույրի Ավետիսյանին, Շուշանիկ Ղևոնդի Ավետիսյանին և Վրույր Գրիգորի Ավետիսյանին սեփականության իրավունքով պատկանող ՀՀ Արմավիրի մարզի Խոյ համայնքի Գեղակերտ գյուղի վարչական տարածքում գտնվող 04-087-0037-0016 կադաստրային ծածկագրով հողամասում առանց նպատակային նշանակության փոփոխության շահագործվում է խանութ։
Նշված փաստական հանգամանքները հաշվի առնելով՝ «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի «բ» կետի հիմքով Խոյի համայնքապետարանում հարուցված վարչական վարույթի շրջանակներում, որը 2025 թվականի հունիսի 4-ին կասեցվել էր, Կարինե Վրույրի Ավետիսյանի կողմից սկսվել է համապատասխան փաստաթղթաշրջանառության գործընթացի կազմակերպում, որը գտնվում է ընթացքի մեջ։
Հիմք ընդունելով վերոգրյալը, հաշվի առնելով կատարված իրավախախտման բնույթը, խախտողի անձը, նրա մեղքի աստիճանը, գույքային դրությունը, պատասխանատվությունը մեղմացնող հանգամանքները, որպես մեղմացնող հանգամանք պատասխանողի անկեղծ զղջումը, իրավախախտման հետևանքները կանխելը, ինչպես նաև հիմք ընդունելով Խոյի համայնքապետարանի համապատասխան աշխատակիցների կողմից կատարված տարածքի ուսումնասիրության հիման վրա կազմված տեղազննության ակտը՝ Խոյի համայնքապետարանի վարչական իրավախախտման դեպքերով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքների իրականացման անձնակազմի կողմից վարչական գործով ներկայացված բոլոր նյութերը նախապատրաստվել, ուսումնասիրվել և ներկայացվել են համայնքի ղեկավարին:
Վարչական ակտ ընդունելու հիմնավորումը.
Համաձայն «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 26-րդ կետի` համայնքի ղեկավարը, օրենքով նախատեսված դեպքերում և կարգով անձանց ենթարկում է վարչական պատասխանատվության:
Համաձայն «Տեղական ինքնակառավարման մասին» ՀՀ օրենքի 43–րդ հոդվածի 1–ին մասի 4–րդ և 5–րդ կետերի՝ համայնքի ղեկավարը օրենքով սահմանված կարգով վերահսկողություն է իրականացնում համայնքի վարչական սահմաններում գտնվող հողերի նպատակային օգտագործման, հողօգտագործողների կողմից հողային օրենսդրության պահանջների պահպանման նկատմամբ։ Օրենքով սահմանված դեպքերում և կարգով կանխարգելում, կասեցնում և վերացնում է ապօրինի հողօգտագործումները։
Համաձայն «Տեղական ինքնակառավարման մասին» ՀՀ օրենքի 43–րդ հոդվածի 1–ին մասի 4–րդ և 5–րդ կետերի՝ համայնքի ղեկավարը օրենքով սահմանված կարգով վերահսկողություն է իրականացնում համայնքի վարչական սահմաններում գտնվող հողերի նպատակային օգտագործման, հողօգտագործողների կողմից հողային օրենսդրության պահանջների պահպանման նկատմամբ։ Օրենքով սահմանված դեպքերում և կարգով կանխարգելում, կասեցնում և վերացնում է ապօրինի հողօգտագործումները։
Համաձայն ՀՀ հողային օրենսգրքի 8-րդ հոդվածի 1-ին մասի, 9–րդ հոդվածի 1-ին և 2-րդ մասերի պահանջների՝ հողամասի թույլատրված օգտագործումը հողամասի օգտագործումն է դրա նպատակային և գործառնական նշանակությամբ, ներառյալ` սահմանված իրավունքները և սահմանափակումները: Հողամասի թույլատրված օգտագործումը սահմանվում է նորմատիվ իրավական ակտերի, հողերի օգտագործման սխեմաների, հողաշինարարական այլ փաստաթղթերի, գլխավոր հատակագծերի ու քաղաքաշինական գոտիավորման նախագծերի հիման վրա: Գյուղատնտեսական նշանակության հողեր են համարվում գյուղատնտեսական կարիքների համար առանձնացված և գյուղատնտեսական գործունեություն ծավալելու նպատակով գյուղատնտեսական մշակաբույսերի մշակման, բազմամյա տնկարկների հիմնման, խոտհնձի, անասունների արածեցման, ինչպես նաև գյուղատնտեսական այլ նպատակների համար նախատեսված հողատեսքերը: Գյուղատնտեսական նշանակության հողերը, ըստ հողատեսքերի, բաժանվում են` վարելահողերի, բազմամյա տնկարկների, խոտհարքների, արոտավայրերի, այլ հողատեսքերի: Նույն օրենքի 43–րդ հոդվածի 2–րդ մասի համաձայն՝ համայնքի ղեկավարը կանխարգելում, կասեցնում և վերացնում է ապօրինի հողօգտագործումը համայնքի վարչական սահմաններում, օրենքով սահմանված դեպքերում ու կարգով հողային օրենսդրության պահանջները խախտողների նկատմամբ կիրառում է վարչական տույժեր, ինչպես նաև իրավասու մարմիններ է ներկայացնում հաղորդումներ` իրավախախտում թույլ տված անձանց` օրենքով սահմանված պատասխանատվության ենթարկելու վերաբերյալ:
Համաձայն ՀՀ վարչական իրավախախտումների վերաբերյալ օրենսգրքի 54-րդ հոդվածի 1-ին պարբերության՝
Հողամասերը ոչ նպատակային նշանակությամբ օգտագործելը` առաջացնում է տուգանքի նշանակում քաղաքացիների նկատմամբ` սահմանված նվազագույն աշխատավարձի հարյուրապատիկի չափով:
Վարչական իրավախախտումների վերաբերյալ ՀՀ օրենսգրքի 32-րդ հոդվածի 2-րդ մասի համաձայն՝ տույժ նշանակելիս հաշվի են առնվում կատարված իրավախախտման բնույթը, խախտողի անձը, նրա մեղքի աստիճանը, գույքային դրությունը, պատասխանատվությունը մեղմացնող և ծանրացնող հանգամանքները:
Վարչական իրավախախտումների վերաբերյալ ՀՀ օրենսգրքի 23-րդ հոդվածի 1-ին մասի 1-ին կետի համաձայն` վարչական իրավախախտումներ կատարելու համար կարող է կիրառվել նախազգուշացումը: Նույն օրենսգրքի 25-րդ հոդվածի համաձայն՝ նախազգուշացումը որպես վարչական տույժի միջոց արվում է գրավոր: Օրենսդրությամբ նախատեսված դեպքերում նախազգուշացումը արձանագրվում է այլ սահմանված եղանակով:
Նույն հոդվածի 2-րդ մասի համաձայն՝ Հայաստանի Հանրապետության օրենսդրությամբ կարող են նախատեսվել վարչական իրավախախտման համար պատասխանատվությունը մեղմացնող նաև այլ հանգամանքներ: Վարչական իրավախախտման վերաբերյալ գործը լուծող մարմինը (պաշտոնատար անձը) կարող է մեղմացուցիչ համարել նաև այնպիսի հանգամանքներ, որոնք նշված չեն օրենսդրության մեջ:
Վարչական իրավախախտումների վերաբերյալ ՀՀ օրենսգրքի 33-րդ հոդվածի 1-ին մասի 1-ին և 2-րդ կետերի համաձայն` վարչական իրավախախտման համար պատասխանատվությունը մեղմացնող հանգամանքներ են համարվում`
1) մեղավորի անկեղծ զղջումը.
2) իրավախախտման վնասակար հետևանքները մեղավորի կողմից կանխելը, պատճառած վնասը կամավոր հատուցելը կամ վերացնելը.
Ելնելով վերոգրյալից հաշվի առնելով կատարված իրավախախտման բնույթը և ղեկավարվելով Վարչական իրավախախտումների վերաբերյալ ՀՀ օրենսգրքի 23-րդ, 25-րդ, 32-րդ, 33-րդ հոդվածներով, «Տեղական ինքնակառավարման մասին» ՀՀ օրենքի 35-րդ հոդվածի 1–ին մասի 26-րդ կետով, 43–րդ հոդվածի 1-ին մասի 4-րդ և 5-րդ կետերով, «Վարչարարության հիմունքների և վարչական վարույթի մասին» ՀՀ օրենքի 53-րդ, 58-60-րդ հոդվածներով.
ՈՐՈՇՈՒՄ ԵՄ՝
1․ Իրավախախտողներ Կարինե Վրույրի Ավետիսյանի և Գրիգոր Վրույրի Ավետիսյանի նկատմամբ նշանակել վարչական տույժ՝ նախազգուշացման ձևով:
2. Սույն որոշումը կարող է դատական կարգով բողոքարկվել ՀՀ վարչական դատարան՝ «Վարչարարության հիմունքների և վարչական վարույթի մասին» ՀՀ օրենքի 70-րդ և ՀՀ վարչական դատավարության օրենսգրքի 72-րդ, 73–րդ հոդվածներով նախատեսված կարգով՝ դրա ուժի մեջ մտնելու օրվանից երկամսյա ժամկետում։
3. Սույն որոշումն ուժի մեջ է մտնում կողմերին պատշաճ իրազեկելու օրվան հաջորդող օրվանից կամ սույն որոշմամբ ուղղակիորեն շոշափվող անձանց վերաբերյալ տեղեկությունները հայտնի չլինելու դեպքում հրապարակման պահից՝ ՀՀ հրապարակային ծանուցումների պաշտոնական ինտերնետային կայքում։