ՀՀ  Արմավիրի մարզի Խոյ համայնքի ղեկավարը, քննության առնելով թիվ 130/24 վարչական գործը՝ ՀՀ Արմավիրի մարզ Խոյ համայնք գ․ Ծաղկունք  Հոկտեմբերյան Հարությունյան փողոց 21 տուն հասցեի բնակիչ՝ Վահրամ Եղիազարի Եղիազարյանին, Արայիկ Եղիազարի Եղիազարյանին և Արևհատ Եղիազարի Ինջիղուլյանին սեփականության իրավունքով պատկանող  ՀՀ Արմավիրի մարզի Խոյ համայնքի Ծաղկունք գյուղում գտնվող, 04-052-0021-0003 ծածկագրի տակ գտնվող հողամասի վրա Արամայիս Եղիազարի Եղիազարյանը առանց համապատասխան շինթույլտվության  շինարարական աշխատանքներ կատարելու մասին պարզեց, որ․

Արամայիս Եղիազարի Եղիազարյանի կողմից  թույլ է տրվել Վարչական իրավախախտումների վերաբերյալ Հայաստանի Հանրապետության օրենսգրքի 154-րդ հոդվածի 2-րդ մասի պահանջների  խախտում, առանց համապատասխան շինթույլտվության  իրականացրել է շինարարական աշխատանքններ/ինքնակամ շինություն/ ինչի կապակցությամբ Խոյի համայնքապետարանի վարչական իրավախախտումների վերաբերյալ հանձնաժողովի կողմից 2024 թվականի օգոստոսի  21-ին կազմված  արձանագրության, տեղազննության ակտի, տարածքի լուսանկարների հիման վրա2024 թվականի սեպտեմբերի 6-ին «Վարչարարության հիմունքների և  վարչական վարույթի մասին» ՀՀ օրենքի 30-րդ և 34-րդ հոդվածների հիմքով Վարչական իրավախախտումների  վերաբերյալ Հայաստանի Հանրապետության  օրենսգրքի 154-րդ հոդվածի 2-րդ մասի պահանջների  խախտման փաստով հարուցվել է վարչական վարույթ:

Խոյի համայնքապետարանի վարչական իրավախախտման դեպքերով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքների իրականացման անձնակազմը՝ այսուհետ անձնակազմ, հրավիրել վարչական վարույթի լսում։

Վարչական ակտն ընդունելու համար հիմք հանդիսացող փաստերը.

·        Խոյի համայնքապետարանի աշխատակազմի վարչական իրավախախտումների վերաբերյալ հանձնաժողովի կողմից 2024 թվականի օգոստոսի 21-ին կազմվածարձանագրությունը և տեղազննության ակտը:

·      Տարածքի լուսանկարահանման փաստաթղթերը:

·      2024 թվականի սեպտեմբերի 6-ին վարչական գործով լսումներ անցկացնելու վերաբերյալ արձանագրությունը:

«Վարչարարության հիմունքների և վարչական վարույթի մասին» ՀՀ օրենքով սահմանված կարգով հարուցված և իրականացված վարչական վարույթի ընթացքում գործի փաստական հանգամանքների բազմակողմանի, լրիվ և օբյեկտիվ քննության արդյունքում, բացահայտելով գործի բոլոր հանգամանքները և  հիմք ընդունելով վերոհիշյալ փաստերը, վարչական մարմինը հաստատված է համարում հետևյալը.

ՀՀ Արմավիրի մարզ Խոյ համայնք գ․ Ծաղկունք  Հոկտեմբերյան փողոց 21 տուն հասցեի բնակիչ՝ Վահրամ Եղիազարի Եղիազարյանին, Արայիկ Եղիազարի Եղիազարյանին և Արևհատ Եղիազարի Ինջիղուլյանին սեփականության իրավունքով պատկանող  ՀՀ Արմավիրի մարզի Խոյ համայնքի Ծաղկունք գյուղում գտնվող, 04-052-0021-0003 ծածկագրի տակ գտնվող հողամասի վրա Արամայիս Եղիազարի Եղիազարյանը առանց համապատասխան շինթույլտվության  շինարարական աշխատանքներ կատարելու մասին։

« Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1-ին մասի  «բ» ենթակետի հիմքով, Խոյի համայնքապետարանում հարուցված վարչական վարույթի շրջանակներում 2024 թվականի սեպտեմբերի 6-ին անցկացվել է լսումը, ինչի կապակցությամբ Արամայիս Եղիազարի Եղիազարյանը պատշաճ ծանուցվել է՝ /LO124102189AM/ ծանուցումը ստացել է 2024 թվականի օգոստոսի 29-ին և ներկայացել է վարչական վարույթի լսումներին։

Հաշվի առնելով վերոգրյալը ՝ ապացուցված կարելի է համարել, որ Հայկ Գագիկի Աբրահամյանի կողմից կատարվել է  Վարչական իրավախախտումների վերաբերյալ Հայաստանի Հանրապետության օրենսգրքի 154-րդ հոդվածի 2-րդ մասով պահանջների  խախտում և վերջինս սույն դեպքում հանդիսանում է իրավախախտման սուբյեկտ:

Արդյունքում Խոյի համայնքապետարանի վարչական իրավախախտման դեպքերով հարուցված վարչական վարույթի շրջանակներում լսումներ իրականացնող  հանձնաժողովը առաջարկեց Խոյ համայնքի ղեկավարին՝ Հայկ Գագիկի Աբրահամյանին ենթարկել վարչական պատասխանատվության  և  նշանակել վարչական տուգանք՝ 100000  /մեկ հարյուր հազար / ՀՀ դրամ:

     Վարչական ակտ ընդունելու հիմնավորումը.

Համաձայն «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 26-րդ կետի` համայնքի ղեկավարը, օրենքով նախատեսված դեպքերում և կարգով անձանց ենթարկում է վարչական պատասխանատվության:

Համաձայն «Տեղական ինքնակառավարման մասին» ՀՀ օրենքի 42-րդ հոդվածի առաջին  մասի 8-րդ կետի` համայնքի ղեկավարը, որպես սեփական լիազորություն, օրենքով սահմանված կարգով քաղաքաշինության և կոմունալտնտեսության բնագավառում  կանխարգելում ու կասեցնում է ինքնակամ շինարարությունը և օրենքով սահմանված կարգով ապահովում է դրանց հետևանքների վերացումը:

Համաձայն ՀՀ քաղաքացիական օրենսգրքի 188-րդ հոդվածի 1-ին մասի՝ ինքնակամ կառույց է համարվում օրենքով և այլ իրավական ակտերով սահմանված կարգով այդ նպատակի համար չհատկացված հողամասում կամ առանց թույլտվության կամ թույլտվությամբ սահմանված պայմանների կամ քաղաքաշինական նորմերի և կանոնների էական խախտումներով կառուցված կամ վերակառուցված կամ տեղադրված շենքը, շինությունը կամ այլ կառույցը:

Համաձայն «Քաղաքաշինության մասին» ՀՀ օրենքի 26-րդ հոդվածի և 6-րդ հոդվածի 4-րդ պարբերության «ա» ենթակետի կառուցապատողները պարտավոր են` կառուցապատումն իրականացնել օրենքով սահմանված կարգով` հաստատված ճարտարապետաշինարարական նախագծին համապատասխան  շինարարության թույլտվության հիման վրա:

  1․ Վարչական իրավախախտումների վերաբերյալ ՀՀ օրենսգրքի 154-րդ հոդվածի 2-րդ մասի համաձայն՝

 2. Սույն հոդվածի 1-ին մասում նշված արարքները գյուղական բնակավայրերում իրականացնելը` առաջացնում է տուգանքի նշանակում` սահմանված նվազագույն աշխատավարձի հարյուրապատիկի  չափով:

Ելնելով վերոգրյալից և ղեկավարվելով  « Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 26-րդ կետով, «Տեղական ինքնակառավարման մասին» ՀՀ օրենքի 42-րդ հոդվածի առաջին  մասի 8-րդ կետով,   Վարչական իրավախախտումների վերաբերյալ ՀՀ օրենսգրքի 154-րդ հոդվածի 2-րդմասով, ՀՀ քաղաքացիական օրենսգրքի 188-րդ հոդվածի 1-ին մասով, «Քաղաքաշինության մասին»  ՀՀ օրենքի 26-րդ հոդվածի և 6-րդ հոդվածի 4-րդ պարբերության  « ա » ենթակետի ,

« Վարչարարության հիմունքների և վարչական վարույթի մասին » ՀՀ օրենքի 53-րդ, 58-60-րդ հոդվածներով.

ՈՐՈՇՈՒՄ ԵՄ՝

  1. Իրավախախտող Արամայիս Եղիազարի Եղիազարյանի նկատմամբ նշանակել տուգանք՝ 100000/ մեկ հարյուր հազար  / ՀՀ դրամ:

2. Վարչական իրավախախտումների վերաբերյալ Հայաստանի Հանրապետության  օրենսգրքի 305-րդ հոդվածի համաձայն՝ տուգանքը պետք է վճարվի սույն որոշումը իրավախախտում կատարած  անձի կողմից իրազեկվելուց ոչ ուշ քան տասնհինգ օրվա ընթացքում՝ ֆինանսների նախարարության 900325188150 հաշվեհամարին։

3.  Սույն որոշմամբ տուգանք նշանակելուց հետո Վարչական իրավախախտումների վերաբերյալ  ՀՀ օրենսգրքի 154-րդ հոդվածի  1-3-րդ մասերով սահմանված արարքներից որևէ մեկը վարչական տույժ նշանակելու օրվանից հետո շարունակելը՝ առաջացնում է տուգանքի նշանակում՝ սահմանված նվազագույն աշխատավարձի երկուհազարհինգհարյուրապատիկից երեքհազարապատիկի չափով:

4. Սույն որոշումը կարող է բողոքարկվել «Վարչարարության հիմունքների և վարչական վարույթի մասին»  ՀՀ օրենքի 70-րդ և ՀՀ վարչական դատավարության օրենսգրքի 72-րդ և 73-րդ հոդվածներով նախատեսված կարգով՝ դրա ուժի մեջ մտնելու օրվանից երկամսյա ժամկետում։

5. Սույն որոշման պահանջները չկատարելու դեպքում << Վարչարարության հիմունքների և վարչական վարույթի մասին >> ՀՀ օրենքի 88-րդ հոդվածով սահմանված կարգով այն ենթակա է հարկադիր կատարման՝ ՀՀ ԱՆ ԴԱՀԿ ծառայության միջոցով՝ անբողոքարկելի դառնալուց հետո եռամսյա ժամկետում:

6. Սույն որոշումն ուժի մեջ է մտնում կողմերին պատշաճ իրազեկելու օրվան հաջորդող օրվանից կամ սույն որոշմամբ ուղղակիորեն շոշափվող անձանց վերաբերյալ տեղեկությունները հայտնի չլինելու դեպքում հրապարակման պահից, azdarar.am կայքի միջոցով: